لاہور۔7ستمبر(اے پی پی)آندے سیالے اچ سموگ دے چنتے پاروں وزیراعلیٰ پنجاب چودھری پرویز الٰہی محکمہ ماحولیات دے اینٹی سموگ سکواڈ دے پائلٹ پراجیکٹ دا افتتاح کرݙتے جیڑھا لاہور شہر اچ دھواں مارݨ آلیاں ڳاݙیاں کوں باقاعدگی نال چیک کریسی۔ ایں سانڳے افتتاحی تقریب وزیراعلیٰ آفس لاہور اچ تھئی۔ وزیراعلیٰ اینٹی سموگ سکواڈ دا معائنہ کیتا اتے ڳاݙیاں دے دھویں دی شیکنک دا نظام ݙٹھا۔ او اینٹی سموگ سکواڈ دے عملے نال وی ملن اتے انہاں کوں محنت اتے جذبے نال کم کرݨ دی نصیحت کیتی جو او ودھ دھواں چھوڑݨ آلیاں ڳاݙیاں دے خلاف بغیر کہیں وانڄھ دے کارروائی کرن، شہر دے داخلی رستیاں تے چیکنگ کیتی ونڄے۔ سیکرٹری ماحولیات اینٹی سموگ سکواڈ بارے بریفنگ ݙتی۔
