لاہور۔11اگست(اے پی پی) وزیر اعظم محمد شہباز شریف آکھیے رواداری، سانجھے احترام تے ہر طرح دے امتیاز دے بغیر انسانی حقوق دا تحفظ اسلامی معاشرے دی سنڄاݨ اے ، سارے مذہب دے لوکاں کوں آپݨ?? نظریات موجب زندگی گزارݨ دی مکمل آزادی اے، اساں اقلیتاں دے حقوق دے تحفظ اتے انہاں دی ترقی تے خوشحالی سانڳے پرعزم ہیسے ۔وزیراعظم آفس میڈیا ونگ توں جاری بیان موجب وزیر اعظم محمد شہباز شریف اقلیتاں دے قومی ݙینھ ت?? آپݨے سنھیے اچ آکھیے اقلیتاں دے قومی ݙینھ ت?? میں پاکستان اچ وسݨ آلیاں ساریاں اقلیتاں کیتے خواہشات دا اظہار کرینداں تے ملکی ترقی تے خوشحالی اچ انہاں دے شاندار کردار تے خراج تحسین پیش کرینداں ۔وزیر اعظم آکھیے سرکاری سطح تے اقلیتاں دا قومی ݙینھ مناوݨ دا مقصد پاکستان اچ وسݨ آلیاں اقلیتاں نال اظہار یکجہتی اتے انھاں دی ریاست پاکستان سانڳے خدمات دا اعتراف اے۔ ساݙی اقلیتی برادری تحریک پاکستان اچ چنڳاں کردار نبھائے تے قیام پاکستان توں ہݨ تئیں تعمیر وطن اچ آپݨا چںڳاں حصہ پیندی پئی اے ۔ محمد شہباز شریف مزید آکھیے بانی پاکستان قائد اعظم محمد علی جناح اقلیتاں دے حقوق دے حوالے نال 11 اگست 1947 کوں پاکستان دی آئین ساز اسمبلی اچ ھک تاریخی تقریر اچ اقلیتاں سانڳے مکمل مذہبی آزادی دا اعلان کیتا ہئی ، قائد اعظم دے ویژن دی پیروی ک??یندے اقلیتوں دی خدمات اتے انہاں دی شناخت دے اعتراف اچ 11 اگست کوں اقلیتاں دا ݙینھ منایا ویندے ۔ انھاں آکھیے حکومت پاکستان مذہبی اقلیتی برادری دی فلاح و بہبود تے عملی اقدامات چیندی پئی اے ، ملازمتاں اچ میرٹ دے علاوہ مخصوص نشستاں ایں ڳالھ دا ثبوت اے اڳوں ودھݨ سانڳے ھکو سویں موقع ݙتے ویندے پئن، ، اڄ دا ݙینھ اساکوں پاکستان اچ وسݨ آلی مذہبی اقلیتاں نال اظہار یکجہتی اتے عزت و احترام دی یاد ݙویندے، پاکستان دے آئین اچ ساریاں اقلیتی برادریاں سانڳے برابر دے حقوق اتے مکمل تحفظ دی ضمانت ݙتی ڳئی اے، حکومت آئین پاکستان دی روشنی اچ ساری اقلیتی برادریاں سانڳے مساوی حقوق یقینی بݨیندی پئی اے ،پاکستان اچ وسݨ آلے مسلمان، سکھ، ہندو، مسیحی، پارسی سودھے سارے مذہب دے لوک ایں ملک دے آزاد شہری ہن جنہاں کوں ھکو سویں حقوق تے آپݨ?? نظریات موجب زندگی گزارݨ دی پوری آزادی اے ۔ محمد شہباز شریف علمائے کرام تےتے عوام تے زور ݙتے جو او وکھرے عقیدے دے لوکاں وچال رواداری، برداشت اتے بین المذاہب ہم آہنگی ودھاون، ملک اچ بین المذاہب ہم آہنگی اتے امن دے ودھارے سانڳے سارے اداریں نال رل تے کم کریسوں ۔ وزیر اعظم محمد شہباز شریف یقین ݙیوائے حکومت مختلف مذہب دے منݨ آلیں دے حقوق دی پاسداری سانڳے آپݨی جدوجہد جاری رکھیسی
