کراچی۔2اگست (اے پی پی) ترکیہ دی سانجھ نال ٻݨائے ڳئے پی این ایس طارق پاک بحریہ دے ٻیڑے اچ رَل ڳیا۔ ایں موقع تے منگل کوں کراچی شپ یارڈ اچ تھیوݨ آلی خصوصی تقریب اچ وزیرِ اعظم محمد شہباز شریف اتے ترکیہ دے نائب صدر جودت یلماز شریک تھیے۔ ترکیہ دے نائب صدر جودت یلماز تقریب دے مزمان اعزاز ہن۔ تقریب اچ وزیرخارجہ بلاول بھٹو زرداری ، وفاقی وزیر منصوبہ بندی احسن اقبال، وفاقی وزی?? تجارت سید نوید قمر ، وزیراعلیٰ سندھ مراد علی ، گورنر سندھ کامران ٹیسوری، پاک بحریہ دے سربراہ ایڈمرل امجد نیازی سودھے اعلیٰ سول تے فوجی حکام شریک تھیے۔ وزیراعظم محمد شہبازشریف ترکیہ دے نائب صدر دے رَلے پی این ایس طارق دی لانچنگ کیتی۔ پی این ایس طارق ملجم کلاس کارویٹ جنگی جہاز انہاں چار بحری جہازاں اچوں ہ?? اے جیڑھا ترکیہ نال ٹیکنالوجی دی منتقلی دے معاہدے دے تحت ترک اتے پا??ست??ن انجینئر رَل تے ٻݨیندے پئن۔ 2018میں پاک بحریہ اتے ترکیہ وچال 4 جنگی بحری جہاز ٻݨاوݨ دا معاہدہ تھیا ہئی۔ معاہدے دے تحت ݙو جہاز ترکیہ اتے ݙو جہاز پا??ست??ن اچ ٻݨائے ڳئن۔ ایں توں پہلے ترائے جہازاں دی لانچنگ تھی ڳئی اے۔
