اسلام آباد۔19 اگست (اے پی پی)ڈی جی آئی ایس پی آر لیفٹیننٹ جنرل احمد شریف چوہدری آکھیے جو سیلاب متاثرہ علاقیاں اچ آرمی چیف دی ہدایت تے پاک فوج اتے پاک فضائیہ امدادی سرگرمیاں اچ بھرپور حصہ ڳھندی پئن، سیلاب متاثرہ علاقیاں اچ ہݨ تئیں 6903 افراد کوں ریسکیو کیتا ڳیا، 6 ??زا?? توں ودھ افراد کوں امداد ݙتی ڳئی اے جݙاں جو چ??ئر??ین این ڈی ایم اے لیفٹیننٹ جنرل انعام حیدر آکھیا جو سارے اداریاں دیاں مربوط اتے مشترکہ کوششاں نال 17 اگست توں ہݨ تئیں 25 ??زا?? لوکاں کوں بچایا ڳئے۔ اے ڳالھ انہاں اسلام آباد اچ وفاقی وزیر اطلاعات و نشریات عطاء اللہ تارڑ اتے چ??ئر??ین این ڈی ایم اے لیفٹیننٹ جنرل انعام حیدر دے کٹھے مون سون بارشاں اتے سیلاب دی صورتحال دے حوالے نال این ڈی ایم اے اچ میڈیا کوں بریفنگ ݙیندے آکھی۔ ڈی جی آئی ایس پی آر لیفٹیننٹ جنرل احمد شریف چوہدری آکھیا جو آرمی چیف فیلڈ مارشل سید عاصم منیر دی ہدایت تے پاک فوج سیلاب زدہ علاقیاں اچ امدادی سرگرمیاں اچ مصروف اے۔ خیبر پختونخوا اچ انفنٹری اتے ایف سی دے اَٹھ یونٹس امدادی کارروائیاں اچ سرگرم ہن، ہک یونٹ گلگت بلتستان اچ امدادی کارروائیاں کریندا پئے، روڈ انفراسٹرکچر دی حالت ٻہوں خراب اے، رستیاں دی بحالی کیتے انجینئرز بٹالینز کم کریندیاں پئن، خیبر پختونخوا اچ 90 سڑکاں کوں نقصان پڄیے، 9 ڄاہیں تے سڑکاں کوں بحال کر ݙتا ڳئے، ٻیاں سڑکاں کوں عارضی طور تے بحال کیتا ویندا پئے۔ قراقرم ہائی وے 8 جاہیں توں بلاک ہئی، ساریاں جاہیں کوں کلیئر کر ݙتا ڳئے، جگلوٹ سکردو روڈ کوں وی کلیئر کر ݙتے، استک برج تے کم جاری اے، تیکھے ایکوں وی کھول ݙتا ویسی۔ انہاں آکھیا جو ترائے میڈیکل بٹالینز دے علاوہ سی ایم ایچ توں ڈاکٹرز دی ٹیم کوں خیبر پختونخوا ٻھیڄیا ڳئے، 9 میڈیکل کیمپاں دے ذریعے متاثرین کوں طبی امداد ݙتی ویندی پئی اے، آرمی دے سگنلز یونٹس پی ٹی اے نال مِل تے متاثرہ علاقیاں اچ ٹیلی کام دیاں سہولتاں کیتے کم کریندے پئن، 16 بی ٹی ایس ٹاور دی مرمت کر ݙتی اے۔ چ??ئر??ین این ڈی ایم اے آکھیا جو شمالی علاقیاں اچ گلیشیئر پگھرݨ پاروں سیلابی صورتحال پیدا تھئی، این ڈی ایم اے دی ویب سائٹ تے بارشاں اتے سیلابی صورتحال بارے ساری تفصیلات موجود ہن۔ بارشاں اتے سیلاب توں 670 ??فراد جاں بحق اتے ہک ??زا?? افراد زخمی تھئے، لاپتہ افراد اچوں ٻہوں ساریاں دیاں لاشاں مل ڳئن، سارے لاپتہ افراد کوں ڳولݨ تئیں امدادی سرگرمیاں جاری رہسن۔ انہاں آکھیا جو 23 اگست تئیں بارشاں دا ستواں سپیل تیز ہوسی، بارشاں دے نویں سپیل دے حوالے نال تیاری مکمل اے۔
