اسلام آباد۔11ستمبر (اے پی پی) وفاقی وزیر داخلہ محسن نقوی دی متحدہ عرب امارات دی نیشنل اینٹی نارکوٹکس اتھارٹی دے چیئرمین شیخ زید بن حماد بن حمدان النیہان نال وزارت داخلہ اچ ملاقات تھئی جیں اچ انسداد منشیات سودھے آپت دے دلچسپی دے معاملیں اُتے تفصیلی ڳالھ مہاڑ تھئی۔ ملاقات اچ پاکستان اتے ??و اے ای انسداد منشیات دے حوالے نال تعاون کوں اڳوں ودھاوݨ اُتے اتفاق کیتا۔ پاکستان ولوں ڈی ??ی اے این ایف میجر جنرل عبدالمعید جݙاں جو ??و اے ای ولوں بریگیڈئر طاہر غریب کوں رابطہ افسر مقرر کرݨ دا فیصلہ کیتا ڳیا تاں جو عملی سطح اُتے ݙوہیں ملکاں وچال مربوط تعاون کوں یقینی بݨایا ونڄے۔ وفاقی وزیر داخلہ محسن نقوی متحدہ عرب امارات اچ نیشنل اینٹی نارکوٹکس اتھارٹی دے قیام دی تعریف کریندے شیخ زید بن حماد بن حمدان النیہان کوں اتھارٹی دا پہلا چیئرمین بݨݨ اُتے مبارخ ݙتی۔ انہاں آکھیا جو ایں اتھارٹی دے قیام نال ݙوہیں ملکاں وچال انسداد منشیات دے شعبے اچ تعاون مزید تکڑا تھیسی۔ محسن نقوی آکھیا جو پاکستان منشیات دے خلاف جنگ اچ ہراول دستے دا کردار ادا کریندا پئے اتے غلط کاروبار اچ شامل لوکاں دے خلاف سخت کاروائی کیتی ویندی پئی اے۔ انہاں ݙسایا جو متحدہ عرب امارات اچ انسداد منشیات دیاں کاروائیاں اچ 400 ملزماں کوں گرفتار کیتا ڳیا جݙاں جو 5 ٹن منشیات پکڑی ڳئی جیڑھی وقتی معلومات دے تبادلے اتے سانجھی کوششاں نال ممکن تھیا۔ وفاقی وزیر داخلہ اعتراف کیتا جو گزریل عرصے اچ سنتھیٹک ڈرگز دی سمگلنگ اچ ودھارا تھئے تاں جو ایں مافیا دے خلاف بھرپور کریک ڈائون جاری اے۔ انہاں آکھیا جو “منشیات دے خلاف جنگ اصل اچ ساݙیاں نسلاں دے بچاوݨ دی جنگ اے اتے ایں اچ ہار کوئی آپشن کائنی۔” شیخ زید بن حماد بن حمدان النیہان پاکستان دے کردار دی تعریف کریندے آکھیا جو ??و اے ای انسداد منشیات دے ضمن اچ ہر ممکن تعاون ݙیسی۔ انہاں دا آ??ھݨ ہئی جو آپت دی سانجھ کوں مزید مضبوط بݨا تے اساں آوݨ آلیاں نسلاں کوں منشیات توں پاک روشن مستق??ل ݙے سڳدوں ۔ ایں موقع اُتے ??و اے ای دا اعلیٰ سطحی وفد وی موجود ہئی جیں اچ بریگیڈئر طاہر غریب، بریگیڈئر عمر خلفان، بریگیڈئر خالد علی، بریگیڈئر ابراہیم جاسم، بریگیڈئر ماجد سلطان، کرنل محمد ماجد، کرنل خالد راشد، لیفٹیننٹ کرنل جمال سعید، لیفٹیننٹ کرنل سعید محمد، میجر محمد سلطان اتے کیپٹن سالم خمیس شامل ہن۔ پاکستان ولوں وزیر مملکت داخلہ طلال چوہدری، وفاقی سیکرٹری داخلہ، سپیشل سیکرٹری داخلہ، ایڈیشنل سیکرٹریز داخلہ، ڈی ??ی اینٹی نارکوٹکس فورس اتے ٻئے سینئر حکام وی اجلاس اچ شرکت کیتی۔
.jpg)
