وزیراعظم شہباز شریف دی چھل دے دوران امدادی کاروائیاں اُتے پنجاب، خیبر پختونخوا، سندھ، گلگت بلتستان اتے آزاد کشمیر دی قیادت دی تعریف

2025-09-16 05:23:06

اسلام آباد۔12ستمبر (اے پی پی) وزیراعظم محمد شہباز شریف چھل دے دوران امدادی کاروائیاں دے حوالے نال وزیراعلیٰ پنجاب مریم نواز شریف، خیبر پختونخوا، سندھ، گلگت بلتستان اتے آزاد کشمیر دی قیادت دے اقدامات دی تعریف کیتی اے۔ سماجی رابطے دی ویب سائٹ ایکس اُتے ہک پوسٹ اچ وزیراعظم آکھیا جو وزیراعلیٰ پنجاب مریم نواز شریف دیاں چھل دے دوران امدادی کاروائیاں دے حوالے نال کوششاں قابل تعریف ہن، ایں دے نال نال خیبر پختونخوا، سندھ، گلگت بلتستان اتے آزاد کشمیر دی قیادت دی مسلسل محنت وی تعریف دے قابل اے۔ انہاں آکھیا جو ایں قدرتی آفت نال بے پناہ مسئلے و چیلنج جنم گھندن، ول وی ساݙے کساناں، مزدوراں، تریمتاں اتے نیاݨیاں غیر معمولی ہمت دا ݙکھائی ، پاکستانی قوم مصیبتاں اتے اوکھ توں نی گھبریندی۔ وزیراعظم آکھیا جو انہاں این ڈی ایم اے اتے وزارت موسمیاتی تبدیلی سودھے سارے متعلقہ وفاقی محکمیں کوں کہیں وی ہنگامی صورتحال اچ پورا تعاون کرݨ کیتے تیار رہݨ دی ہدایت کیتی ہے۔

مضمون کا ماخذ : سکاراب ملکہ

متعلقہ مضامین

وزیراعظم شہباز شریف دی چھل دے دوران امدادی کاروائیاں اُتے پنجاب، خیبر پختونخوا، سندھ، گلگت بلتستان اتے آزاد کشمیر دی قیادت دی تعریف