اسلام آباد۔7اکتوبر (اے پی پی) 44ویں مِڈ کیرئیر مینجمنٹ کورس دے افسراں دے وفد منگل کوں ایسوسی ایٹڈ پریس آف پاکستان کارپوریشن (اے پی پی سی) ہیڈ کوارٹرز دا دورہ کیتا۔ انہاں دے دورے دا مقصد مختلف میڈیا آرگنائزیشناں اچ پیشہ وارانہ کم دا براہ راست مشاہدہ کرݨ ہا۔ ایگزیکٹو ڈائریکٹر اے پی پی سبین عثمان خٹک وفد دے شرکاء کوں ادارے دے مختلف شعبہ جات اتے انہاں دے کم کرݨ دے طریقے بارے تفصیلی بریفنگ ݙتی۔ ایں موقع تے ڈائریکٹر نیوز شمائلہ عندلیب اتے ڈائریکٹر اردو نیوز سروس عبدالحمید تبسم وی موجود ہن۔ وفد انگلش نیوز سروس، اردو نیوز سروس، سٹوڈیوز اتے اے پی پی ڈیٹا سینٹر سمیت مختلف شعبیاں دا دورہ کیتا اتے کم بارے سوال وی کیتے۔
