اسلام آباد۔30جولائی(اے پی پ??)وفاقی کابینہ حج پالیسی 2026 اتے مصنوعی ذہانت (اے آئی) پالیسی 2025 دی منظوری ݙے ݙتی جݙاں جو کابینہ کوں ݙسایا ڳی?? جو آندے سال پاکستان دا مجموعی حج کوٹہ 70 فیصد حکومتی اتے 30 فیصد نجی کوٹہ دے تناسب نال ونݙیا ویسی، نیشنل اے آئی پالیسی پاکستان اچ پبلک سروس دی بہتری، پیداوار بشمول زرعی شعبے دی پ??داوار، معاشی شمولیت، ہنر و تربیت اتے روزگار دی ݙیوݨ کیتے ودھ ہتھ ونݙیسی۔ وزیرِ اعظم محمد شہباز شریف دی زیرِ صدارت وفاقی کابینہ دا اجلاس اسلام آباد اچ تھیا۔ وزیراعظم آکھیا جو حجاج کرام کوں بہترین سہولتاں ݙیوݨ کیتے آندے سال حج آپریشن دی مکمل ڈیجیٹلائزیشن چنڳی ڳالھ اے، حجاج کرام کوں ہر قسم دیاں سہولتاں ݙتیاں ویسن، وزارت مذہبی امور حج پالیسی تے عملدرآمد یقینی بݨیسی۔ اجلاس کوں حج پالیسی 2026 تے تفصیلی بریفنگ ݙتی ڳئی۔ بریفنگ اچ ݙسایا ڳی?? جو آندے سال پاکستان دا مجموعی ملکی حج کوٹہ 70 فیصد حکومتی اتے 30 فیصد نجی کوٹہ دے تناسب نال ونݙیا ویسی، گزریل سال نجی شعبے دی غفلت نال حج توں محروم رہ ونڄݨ آلے لوکاں دا حج نجی کمپنیاں 2026 اچ یقینی بݨیسن، نویں پالیسی دے تحت سرکاری سکیم و نجی کمپنیاں دے تحت حج آپریشن دی تھرڈ پارٹی ویلیڈیشن یقینی بݨائی ویسی، پالیسی اچ حج دے دوران حاجیاں دیاں سہولتاں دے نال نال انہاں کوں انہاں دیاں رقماں دے متوازی سروسز ݙیوݨ شامل اے۔ پالیسی اچ آندے سال ہک ہزار نشستی ہارڈ شپ کیسز دے تحت مختص کیتیاں ڳئن، پالیسی دے تحت کہیں وی نجی کمپنی کیتے حاجیاں دی گھٹ توں گھٹ تعداد 2 ہزار رکھی ڳئی اے، نجی کمپنیاں دی حج آپریشن دے دوران کڑی نگرانی کیتی ویسی، پالیسی دے اطلاق دے بعد نجی کمپنیاں دے تحت درخواست گزاراں دیاں رقماں و پراسیس دی ریئل ٹائم مانیٹرنگ یقینی بݨائی ویسی، حج 2026 کیتے گزریل سال آلی کار معاونین دا انتخاب شفاف انداز نال ٹیسٹ دے ذریعے ہوسی۔ حاجیاں کیتے موبائل سمز، ڈیجیٹل رسٹ بینڈز، بہترین رہائش و طعام اتے کہیں وی ہنگامی و حادثاتی صورتحال پاروں معاوضے کوں یقینی بݨایا ویسی، ادائیگیاں، تربیت، ??کا??تاں و ݙوجھی سروسز کیتے پاک حج موبائل ایپلی کیشن کوں مزید بہتر اتے مؤثر بݨایا ویندا پئے۔ وفاقی کابینہ حج پالیسی 2026 دی متفقہ طور تے منظوری ݙے ݙتی۔ کابینہ ارکان سارے متعلقہ وزارتاں و اداریاں سودھا پالیسی ٻݨاوݨ کیتے کردار ادا کرݨ آلے افسراں و اہلکاراں دیاں کوششاں دی تعریف کیتی۔ وزیراعظم وزیرِ انفارمیشن ٹیکنالوجی کوں وزارت مذہبی امور دے نال رل تے حج آپریشن دی مکمل ڈیجیٹلائزیشن کوں یقینی بݨاوݨ دی وی ہدایت کیتی۔ وزیراعظم حکومت دی پاکستان کوں عصری تقاضیاں نال ہم آہنگ کرݨ، عام آدمی دی آ??ٹیفیشل انٹیلی جنس ٹیکنالوجی تئیں رسائی، ملک اچ مکمل اے آئی ایکو سسٹم دے قیام اتے ایں حوالے نال روزگار دے مواقع پیدا کرݨ کیتے نیشنل اے آئی پالیسی 2025 دی منظوری ݙے ݙیتی۔ انہاں آکھیا جو پاکستان دی نوجوان افرادی قوت ملک دا ساریں توں قیمتی اثاثہ ہن، نینگراں کوں اے آئی دے میدان اچ ضروری تعلیم و تربیت اتے ہکوں جھیں ترقی دے مواقع ݙیوݨ حکومت دیاں ترجیحات ہین۔ وزیرِاعظم آکھیا جو حکومت ایف بی آ?? اصلاحات اچ اے آئی دے ذریعے پہلے توں ہی ملکی آمدن اچ اضافے اتے نظام دی بہتری تے کم کریندی پئی اے، ملکی ترقی کیتے اے آئی توں فائدہ چاوݨ دے حوالے نال بروقت پالیسی سازی کیتے وزارت آئی ٹی اتے متعلقہ اداریاں دے اقدامات لائق تحسین ہن۔ وفاقی کابینہ کوں نیشنل اے آئی پالیسی 2025 دے حوالے نال تفصیلی بریفنگ ݙیتی ڳئی۔ اجلاس کوں 2030 تئیں دنیا بھر اچ اے آئی دے ذریعے آوݨ آلے ممکنہ انقلاب اتے عالمی معیشت تے ایں دے مالی اثرات دے تخمینے دے حوالے نال بریفنگ وچ ݙسیا ڳی?? جو نیشنل اے آئی پالیسی پاکستان وچ پبلک سروس دی بہتری، پیداوار بشمول زرعی شعبے دی پ??داوار، معاشی شمولیت، ہنر و تربیت اتے روزگار دی فراہمی وچ بھرپور معاونت فراہم کریسی، نیشنل اے آئی پالیسی 2025 دی تشکیل وچ سارے سٹیک ہولڈرز بشمول سرکاری، صنعتی، تعلیمی شعبیاں اتے سول سوسائٹی توں مشاورت یقینی بݨائی ڳئی اے۔ بریفنگ وچ ݙسیا ڳی?? جو نیشنل اے آئی پالیسی 2025 دے تحت ملک وچ آرٹیفیشل انٹیلی جنس دا ہک مکمل ایکو سسٹم ٻݨایا ویندا پئے، اے آئی انوویشن فنڈ، اے آئی وینچر فنڈ دے ذریعے نجی شعبے دی حوصلہ افزائی کیتی ویسی، ملک گیر آگاہی دے نال نال اے آئی اچ تعلیم و تربیت، سوکھیاں شرطاں تے قرضیاں دی فراہمی اتے تریمتیں و خصوصی صلاحیتاں دے حامل افراد دی ایں ٹیکنالوجی تئیں رسائی یقینی بݨائی ویسی۔ وفاقی کابینہ نیشنل اے آئی پالیسی 2025 دی متفقہ طور تے منظوری ݙے ݙیتی۔ کابینہ نجکاری بارے کابینہ کمیٹی دے 8 جولائی 2025 دے اجلاس اچ کیتے ڳئے فیصلیاں دی توثیق کیتی۔ کابینہ قانون سازی نال متعلق کابینہ کمیٹی دے 17 جولائی 2025 کوں منعقدہ اجلاس وچ کیتے ڳئے فیصلیاں دی وی توثیق کر ݙیتی۔ کابینہ نے قانون سازی نال متعلق کابینہ کمیٹی دے 25 جولائی 2025 کوں منعقدہ اجلاس وچ کیتے ڳئے فیصلیاں دی وی توثیق کیتی۔
.jpg)
.jpg)
