اسلام آباد۔14اکتوبر (اے پی پی) چیئرمین سینیٹ سید یوسف رضا گیلانی آکھیا جو پاکستان اتے آذربائیجان دے تعلقات آپسی اعتماد، احترام اتے مشترکہ ترقی دے عزم تے مبنی ہن، پاکستان خطے اچ امن تے خوشحالی دے فروغ کوں آپݨی ترجیحات اچ شامل رکھیندے۔ منگل کوں سینیٹ سیکرٹریٹ ولوں جاری بیان دے مطابق چیئرمین سینیٹ سید یوسف رضا گیلانی نال آذربائیجان دی سپیکر ملی مجلس صاحبہ غفارووا اتھاں ملاقات کیتی۔ ملاقات ا?? ݙو پاسے تعلقات، پارلیمانی تعاون، تجارت، سرمایہ کاری اتے علاقائی رابطیاں دے فروغ تے تفصیلی ڳالھ مہاڑ کیتی ڳئی۔ چیئرمین سینیٹ آکھیا جو پاکستان آذربائیجان دے نال برادرانہ تعلقات کوں بہوں قدر دی نگاہ نال ݙیکھدے۔ پاکستان اتے آذربائیجان دے تعلقات آپسی اعتماد، احترام اتے مشترکہ ترقی دے عزم تے مبنی ہن، گھٹ ویلھے ا?? ݙوہیں ملکاں مثالی تعلقات قائم کیتے جو دنیا کیتے قابلِ تقلید ہن۔ انہاں آکھیا جو اعلیٰ سطحی رابطے تعلقات کوں ٻیا ودھاوݨ دے عزم دی نشانی ہن، آذربائیجان دے صدر الہام علیئیف دا متوقع دورہ ݙو پاسے تعلقات کوں نویں مضبوط بنیاد ݙیسی، ݙوہیں ملکاں دے ادارہ ??ات?? رابطے باقاعدگی نال جاری ہن جو تعلقات دے استحکام دا ثبوت ہن۔ سید یوسف رضا گیلانی آکھیا جو ݙوہیں ملکاں دی پارلیماناں دے تعلقات ٻئ?? مضبوط تھین۔ انہاں فروری 2025ء اچ باکو اچ تھیوݨ آلی ایشین پارلیمانی اسمبلی اچ شرکت کوں خوشگوار تجربہ قرار ݙیندیں ہوئیں آکھیا جو پارلیمانی فرینڈشپ گروپس وچال رابطے عوامی سطح تے تعلقات دے فروغ دا باعث بݨسن۔ چیئرمین سینیٹ آذربائیجان دی سپیکر کوں نومبر اچ اسلام آباد اچ تھیوݨ آلی بین الپارلیمانی سپیکر کانفرنس اچ شرکت دی دعوت ݙتی۔ پاکستان آذربائیجان کوں ہک اہم سرمایہ کار شراکت دا?? دے طور تے ݙیکھدے۔ سید یوسف رضا گیلانی آکھیا جو ݙوہیں ملکاں وچال تجارتی رابطیاں اچ بہتری دی گنجائش موجود اے، پاکستان خطے اچ امن و خوشحالی دے فروغ کوں آپݨیاں ترجیحات اچ شامل رکھدا ہے، پاکستان وسطی اتے جنوبی ایشیا وچال تجارتی پل دے طور تے اہم کردار ادا کر سڳدے، سیاحت دے شعبے اچ آپسی تعاون دے وسیع موقع موجود ہن، پاکستان اتے آذربائیجان دے تعلقات ویلھے دے نال ٻئ?? مضبوط تھیسن۔ چیئرمین سینیٹ صدر الہام علیئیف کوں پاکستان دے دورے دی دعوت ݙتی اتے آکھیا جو پاکستان آذربائیجان دی قیادت دے پرتپاک استقبال دا منتظر ??ے۔ ایں موقع تے آذربائیجان دی سپیکر چیئرمین سینیٹ دا شکریہ ادا کیتا۔ سپیکر ݙو پاسے تعاون کوں ٻیا مستحکم بݨاوݨ دے عزم دا اظہار کیتا۔
