اسلام آباد۔23جولائی(اے پی پی)سیاسی جلسے نال خطاب کرݨ دا نوٹس ڳھندے ہوئے الیکشن کمیشن آف پاکستان خیبرپختونخوا دے نگران وزیر شاہد خان خٹک کوں ہٹاوݨ دا حکم ݙے ݙتے۔ الیکشن کمیشن کوں صوبائی وزیر شاہد خٹک دے اے این پی جلسے اچ ونڄݨ اتے خطاب دی شکایت ملی ہئی۔ ترجمان الیکشن کمیشن آکھیے جو الیکشن کمیشن نگران وزیر اعلیٰ خیبرپختونخوا کوں صوبائی وزیر شاہد خٹک کوں کابینہ توں کݙھݨ دی ہدایت کیتی اے،ساریاں نگران حکومتاں قانون دے مطابق صاف،شفاف اتے غیر جانبدارانہ انتخابات کیتے کمیشن لا تعاون کرݨ دیاں پابند ہین، کہیں وی نگراں حکومت یا نگراں وزیر کوں کہیں انتخابی مہم اچ حصہ ڳھنݨ دی اجازت نئیں ݙتی ونڄ سڳدی، خلاف ورزی تے قانونی کارروائی کیتی ویسی۔
