اسلام آباد۔21ستمبر(اے پی پی) وزیراعظم دے کوآرڈینیٹرسیاحت، سردار یاسر الیاس آکھیے جو پاکستان اپݨی قدرتی خوبصورتی، تاریخی جاہواں، ثقافتی ورثے تے مذہبی سیاحت دے موقع پاروں دنیا دے بہترین سیاحتی ملکاں وچ شامل تھی سڳدے تے سالانہ 30 کنوں 40 ارب ڈالر دی آمدݨ حاصل کرسڳدا اے۔ اے پی پی کوں خصوصی انٹرویو وچ انہاں ݙسایا جو پاکستان نومبر وچ پہلی وار بین الاقوامی “ٹورازم روڈ ایکسپو” دی میزبانی کریسی جیندے وچ ملکی سیاحتی جاہواں، روایتی کھاݨے تے ثقافتی رنگ نمایاں کیتے ویسن۔ ایں ایکسپو وچ بین الاقوامی شیف وی حصہ گھنسن۔ لندن، تاجکستان، ازبکستان تے سعودی عرب وچ وی ایویں مزید نمائشاں منعقد کیتیاں ویسن۔ انہاں وزیراعظم شہباز شریف دی طرفوں سیاحت کوں باقاعدہ صنعت دا درجہ ݙیوݨ کوں تاریخی تے بصیرت افروز فیصلہ قرار ݙتا۔ انہاں آکھیا جو 18ویں ترمیم دے بعد سیاحت نظر انداز تھی ڳئی ہئی، ایں سانگے نیشنل ٹورازم کوآرڈینیشن بورڈ کوں ول فعال کیتا ویندا پئے۔ سرمایہ کاری ودھاوݨ کیتے حکومت سرکاری غیر استعمال شدہ املاک کوں 50 توں 60 سال دی لیز تے ݙیسی تاں جو جدید سیاحتی سہولتاں ݙتیاں ونڄ سڳن۔ نال ہی ڈیجیٹل پورٹل وی بݨایا ویندا پئے جیں کنوں سیاحواں کوں معلومات، ہوٹل بکنگ، موسم تے رہنمائی ݙتی ویسی۔ ہک نواں سیاحتی نعرہ “پاکستان جتھاں خوبصورتی استقبال کرے، تاریخ ٻولے، تے مہم جوئی یاداں چھوڑے” متعارف کرایا ویندا پئے تاں جو میڈیکل، مذہبی، ایڈونچر تے ایکو ٹورازم کوں ودھارا ݙتا ونڄ سڳے۔ سردار یاسر م??حو??یاتی چیلنجز جیویں جنگلات دی کٹائی تے م??حو??یاتی تبدیلی کوں سیاحت کیتے وݙا خطرہ قرار ݙیندے وݙے پیمانے تے شجرکاری مہم تے دریاواں تے جھیلاں دے آسے پاسے تجاوزات مکاوݨ تے زور ݙتا۔ اسلام آباد وچ ایف نائن پارک تے لیک ویو پارک وچ فوڈ اسٹریٹس، ترائے منی پارکس تے فتح جنگ وچ سفاری فارسٹ جیویں منصوبے وی زیر غور ہن۔ م??ہبی سیاحت تے ڳالھ کریندے انہاں آکھیا جو سکھ یاتریاں کیتے سہولتاں ودھائیاں ویندیاں پئن جݙاں جو گردواراں تے بدھ مت دے مقامات کوں اص?? حالت وچ بحال کرتے متعلقہ برادریاں دے حوالے کیتا ویسی۔ انہاں ݙسایا جو 126 ملکاں دے سیاح ہݨ آن لائن ویزا حاصل کرسڳدن، فیس ختم کر ݙتی ڳئی اے، تے مزید سہولتاں وی ݙتیاں ویندیاں پئن۔ پاکستان دی قدرتی خوبصورتی تے مہمان نوازی غیر ملکی سیاحواں کوں حیران کر ݙیندی اے۔ سردار یاسر آکھیا جو پاکستان کݙاہیں اپݨی سیاحت دی درست انداز وچ مارکیٹنگ نی کیتی، حالانکہ وسط ایشیائی ملک گھٹ تنوع دے باوجود لکھاں سیاحواں کوں متوجہ کریندن۔ پاکستان کنے چار موسم تے مختلف جغرافیائی خطے موجود ہن جیڑھے اینکوں منفرد بݨیندن۔ انہاں نوجواناں تے زور ݙتا جو او ای کامرس، کرپٹو تے جدید ٹیکنالوجی دے نال نال ہوٹلنگ تے سیاحت وچ وی مہارت حاصل کرن، کیوں جو اے شعبہ روزگار تے معیشت کیتے اہم اے تے پاکستان دا مثبت تشخص دنیا دے سامݨے گھن آوݨ دا وی ہک بہترین ذریعہ اے۔
