جدہ۔25اگست(اے پی پی)نائب وزیراعظم و وزیر خارجہ سینیٹر محمد اسحاق ڈار او آئی سی وزرائے خارجہ دے 21 ویں غیر معمولی اجلاس دے موقع تے ملائیشیا دے وزیر خارجہ محمد حاجی حسن نال ملین۔ وزیر خارجہ سماجی رابطیاں دی ویب سائٹ ایکس تے آپݨے سنیہے اچ ݙسیا جو ملائیشین وزیر خارجہ نال ملاقات اچ فلسطین نال مکمل یکجہتی اتے غزہ دی صورتحال تے ودھ چنتا کیتے اتے زور ݙتا ڳئے جو انسانی امداد دی بغیر کہیں رکاوٹ فراہمی اتے مستقل جنگ بندی ٻہوں ضروری اے تاں جو پائیدار امن دا رستہ کݙھیا ونڄ سڳے۔ نائب وزیراعظم و وزیر خارجہ اسحاق ڈار جولائی اچ کوالالمپور اچ تھیوݨ آلے اے آر ایف وزارتی اجلاس دی کامیاب میزبانی اتے ملائیشین قیادت نال آپݨیاں ملاقاتاں کوں یاد کیتا۔ ملاقات اچ ݙوہیں ملکاں وچال ودھ رابطیاں، تجارت و معاشی تعلقات دے ودھارے اتے عوامی رابطیاں کوں ودھا تے نیڑے دے تعلقات ٻیا تکڑا کرݨ دا عزم دوہرایا ڳیا۔
