اسلام آباد۔ 19 ستمبر (اے پی پی) نائب وزیراعظم تے وزیر خارجہ سینیٹر اسحاق ڈار کوں مصر دے وزیر خارجہ ڈاکٹر بدر عبدالعاطی ٹیلی فون کیتا اتے پاکستان تے سعودی عرب کوں آپسی سٹریٹجک دفاعی معاہدے تے دلی مبارخ ݙتی۔ ترجمان دفتر خارجہ توں جمعہ کوں جاری بیان موجب نائب وزیراعظم تے وزیر خارجہ اسحاق ڈار کوں گزریل شام مصر دے وزیر خارجہ ڈاکٹر بدر عبدالعاطی ٹیلی فون کیتا۔ ڈاکٹر بدر عبدالعاطی پاکستان تے سعودی عرب کوں آپسی سٹریٹجک دفاعی معاہدے تے دلی مبارکباد پیش کریندیں ہوئے ایں معاہدے کوں مضبوط شراکت داری، اعتماد تے تعاون آلے پاسے ہک اہم سنگ میل قرار ݙتا۔ ڈوہیں رہنماواں علاقائی تے بین الاقوامی سطح تے مختلف حوالیاں نال تھیوݨ آلی پیشرفت تے وی ڳالھ کیتی اتے امن، استحکام تے اقتصادی ترقی دی اہمیتاں کوں اجاگر کیتا۔ ڈوہیں رہنماواں کثیر الجہتی تعاون دے عزم دا اعادہ کریندیں ہوئے آکھیا جو او آندے ہفتے اقوام متحدہ دی جنرل اسمبلی دے 80ویں اجلاس دے موقع تے تھیوݨ آلی جامع ڳالھ مُہاڑ دے منتظر ہن۔
